Shillong, Ïaïong 15
Ka kynhun ïalehkai jong ka Shillong Cricket Acade -my ka la jop ha ka jingïa-khun kaba ar jong ka 10th Sitaram Chhawchharia Memorial U-19 Cricket Meet, hadien ba ka la pynliem noh ïa ka Goalpara Cricket Academy da 6 wiket bad sah sa 6.3 over ha ka sngi ba-ar ha Guwahati.
Ïa kane ka lympung ïalehkai la pynlong da ka Bud Cricket Club ha madan ïalehkai kriket NFRSA kaba don ha Maligaon ha Guwahati. Ha ka sngi sdang jong kane ka lympung kata ha ka 14 tarik mynta u bnai ka SCA ka la shah rem ha ka Mangaldai Cricket Academy.
Haba phai sha ka jingïakhun dei ka Goalpara CA kaba la jop kynting pisa bad jied shwa ban tied nyngkong ha kaba ka la ïoh 239 run ha ki 49.5 over. U Asjad u la long kum nongtied uba la ïoh bun da kaba tied 73 run na ki 98 bol. Katba u Ashish Kumar u la shim 6 wiket ha ki 9.5 over, katba u Shushant Das u la ïoh 2 wiket ha ki 10 over. Kiwei pat ki nongïalehkai kiba la lah ban pynhap wiket ki long u Angkit Tamang (1/30 na ki 9 over) bad u Mewankitbok Kharpuri (1/37 na ki 6 over).
Haba wan beh ïa ka thong, u Krishiv Chaudhary u la tied 42 run na ki 78 bol ryngkat u Shubham Rasaily uba la ïoh 30 run na ka 50 bol bad u Aditya Singh u la tied 49 run na ki 40 bol. Katba u Rudra Singh Rathore uba long u nongtied ba la ïoh bun eh jong ka Shillong CA bad u bym shym shah pynkhyllem na ka bynta ban ïoh 64 run na ki 70 bol, kynthup ïa san tylli ki ‘four’. U Ashish u la ïohpdiang ïa ka nam Player of the Match.
