Jowai, Ïaïong 16
Ka Ummulong SC bad Evergreen Mukhla Mission ki la ïasam mar shi point ha ka lympung ïalehkai District Cricket League ba la pynïaid da ka West Jaiñtia District Cricket Association (WJDCA), hadien ka jingshah pynthut ha u slap kaba la wanrah jingshlei um ïa ka madan ha ka Sngi Balang.
Ka Ummulong SC hadien ba ka la jop kynting pisa, ka la ailad shwa ïa ka Evergreen Mukhla Mission SC ban tied nyngkong ha kaba ka la ïoh 70 run bad shah pynhap 10 wiket ha ki 25 over. Hynrei haba wan shimti ïa ka pali kaba ar ka Ummulong SC ka la tied 20 run ha ki 1.2 over ha shwa ban shah pynthut noh ha u slap. Te kumta na ka liang u umpire u la shim ïa ka rai ban pynsangeh noh ïa ka jingïalehkai.
Ka jingïalehkai ha ka Sngi Palei kan long hapdeng ka North East A.U.C.C pyrshah ïa ka Lion S&YA ha ka por 9 baje mynstep.
