Nongstoiñ, Ïaïong 18
U Deputy Commissioner, (Supply) West Khasi Hills District, u la bthah ïa baroh ki nongtrei kam Sorkar ba kynthup ïa ki nonghikai skul ‘Adhoc’ bad ‘Deficit’ hapoh ka distrik kiba ïoh jingmyntoi na ki ‘Card’ rashon AAY lane PHH hapoh ka NFSA ba ki dei ban aiti noh ïa ki ‘Card’ sha ka ophis jong u Deputy Commissioner (Supply) ha lane shuwa ka 10 tarik u Jymmang (May), 2025 khnang ban ai lad ïa kiba dei hok ban ïoh jingmyntoi.
Ha ka kyrwoh khubor ba la phah, u DC u la ong ruh ba lada don kino-kino ki nongtrei Sorkar kiba leh bym suitñiew bad kim aiti ïa ki ‘Card’ rashon hapoh ka por ba la buh, kin ngat ha ki jingpynshitom katkum ki kyndon jong ka aiñ.
