Shillong, Ïaïong 18
Ka jingïalehkai jong ka lympung (L) Benjamin Diengdoh Memorial U-16 Inter School Cum Cluster Cricket Tournament 2025 jong ki kynthei ha ka sngi Palei ka la long hapdeng ka Sohra Cluster pyrshah ïa ka Pongtung Cluster. Ïa kane ka jingïalehkai la pynlong tang 10 over namar ka jingjhieh bad ktieh ka madan na ka daw ka jinghap slap.
Ha ka jingkynting pisa, dei ka Sohra Cluster kaba la jop bad jied shwa ban kawang bol.
Ka Pongtung Cluster haba wan ban tied ka la ïoh 39 run na ki 4 wiket ha ki 10 Over. Ka Balaaihun Khongmiur kaba la lah ban tied kham bun run ka la ïoh 14 run bad ka Lawanjanai Synnah ka la ïoh pynhap 3 wiket ha ki 3 Over.
Ha ka kylla ban beh ïa ka thong ka Sohra Cluster ka la ïoh 26 run na ki 6 wiket ha ki 10 Over. Ka Inroihame L Nonglait ka la ïoh 10 run katba ka Saramanbha Khongsit ka la ïoh pynhap 2 wiket na ki 3 Over.
Haba kut ka jingïalehkai ka Pongtung Cluster ka la jop da 13 run, bad ïa ka nam ‘Player of the Match’ la ïohpdiang da ka Balaaihun Khongmiur.
