Shillong, Ïaïong 20
U National President jong ka National People’s Party (NPP), Conrad K Sangma uba dei ruh u Myntri Rangbah ka Meghalaya u la pynbna paidbah ïa ki kyrteng ban long ki dkhot jong ka National Committee ka NPP na ka bynta ka samoi treikam 2025-2028.
Kum ban shu kdew ba u Conrad K Sangma u la shah jied biang ban long kum National President ka NPP la saw sien kynthih ha ka 15 tarik jong u bnai Lber 2025 ha ka jingïalang jong ka seng kaba la long ha Constitutional Club of India ha New Delhi. Ha ryngkat bad u Conrad K Sangma la shah jied ruh u Paknga Bage uba dei u Myntri Sorkar barim jong ka Arunachal Pradesh khlem da don kiba ïakhun pyrshah kum General Secretary (Organisation), ka MLA jong ka Gambegre ka Dr. Mehtab Agitok Sangma ka la shah jied kum ka Tresurer jong ka seng.
U Conrad u la pynbna ïa ki kyrteng jong ki dkhot ba thymmai ka National Committee jong ka seng ha ka 17 tarik mynta u bnai.
U James PK Sangma, General Secretary (organisation) barim u la shah jied kum National Working President bad kumjuh saw ngut ki National Vice President ba kynthup ïa ka Agatha K Sangma (Meghalaya), SL Kol (Madhya Pradesh), Vevoyi Wideo (Nagaland), bad u Pesi Jilen, MLA na Arunachal Pradesh.
Ki National General Secretary kiba la shah jied ki dei u Paknga Bage (organisation) na Arunachal Pradesh bad u Abhaya Kashyap (Law & Administration) na Delhi. Katba ki National Secretary ki kynthup ïa u Tapi Darang (MLA, Arunachal Pradesh), ka Kong Ampareen Lyngdoh (MLA, Meghalaya), u Samuel Sumi (Nagaland) bad u Saidul Khan (Meghalaya).
Ki executive member jong kane ka committee ki kynthup ïa u Washi Yalem (Arunachal Pradesh), Yura Mary (Arunachal Pradesh), Namgey Tsering (MLA, Arunachal Pradesh), Santa Mary Shylla (MLA, Meghalaya), Grace Mary Kharpuri (Meghalaya), Pyniaid Sing Syiem (Meghalaya), Ratika Yumnam (Manipur), W (O) Sumati Devi (Manipur), Maibam Dhanabir Singh (Manipur), Md. Sazad Bhuiya (Manipur), Janghemlung Panmei (MLA, Manipur), Avitso Lcho (Nagaland) bad u Philip Lam (Nagaland).
