Shillong, Ïaïong 21
Uwei u briew u la shah lute ka pisa da ki lak tyngka ha ki runar bym lah ban ithuh satia kiba la pynap da ka wait hadien ba ki la pynsangeh ïa ka kali ka jong u.
Katkum ka khubor kaba la ïoh na ki pulit la ong ba ha ka 18 tarik mynta u bnai, ha ka por kumba 3.30 dang step, u Mofidul Islam u la ujor da ka ktien ba ki la don lai ngut ki runar bym lah ban ithuh, namar ki la tap bad kah bha ïa ka durkhmat ryngkat ki wait, ki la pynsangeh ïa ka kali ka jong u kaba don ïa u registration number AS17-C-4211 ha kawei ka jaka kaba hap hapoh ka Rongmil OCG ha East Garo Hills.
Shuh shuh la ong ba hadien ba ki la pyndep ban pynsangeh ïa ka kali, ki la lute bad knieh jubor ïa ka pisa kaba long haduh T.2.03 lak na ki.
