Shillong, Ïaïong 21:
Ki runar bym lah ban ithuh ha ka step phyrngab jong ka Sngi Palei ki la leit ban pynpra ïa ka kor thep pisa jong ka SBI ATM Kiosk kaba don ha Secretariat Hills, Shillong.
Katkum ka khubor, la ong ba ki pulit ki la ïoh jingtip halor kane, ba ha ka 17 tarik mynta u bnai ha ka por kumba 4 baje dang step, saw ngut ki runar ba kynthup ar ngut ki shynrang bad ar ngut ki kynthei, ki la leit ban pynpra ïa ka kor thep pisa na ka Cash Deposit Machine (CDM) jong ka SBI kaba don ha Secretariat Hills, Shillong. Shuh shuh la ong ba ïa kane ka jingjia baroh la lap ruh lyngba ka kor CCTV kaba la pyndait ha kane ka jaka. Ha kaba ïadei bad kane, ki pulit ki dang pynlong ïa ka jingtohkit ban thwet ïa kitei ki runar kiba la donkti ha kane ka kam.
