Shillong, Ïaïong 22
U MP ka Lok Sabha na Shillong, Dr Ricky AJ Syngkon, u la ong ba u la pynmih ïa ki kyntien ‘high level’ hapoh dorbar Parliament jong ka ri India ka dei namar ba ki rit ki ria kim nud ban pynkheiñ ïa ka aiñ katba ïa kita ki ‘high level’ ka aiñ kam treikam ha ki.
U Dr. Ricky u la ong ba ka jingtih beaiñ ïa u dewïong ka dang don haduh kine ki sngi wat haba la dep khang naduh u snem 2014.
U la ong ruh ba ka jingtih beaiñ ïa u dewïong ka ktah jur ïa ka pla tyngka jong ka jylla namar kam don ka jingïoh khajna.
Shuh shuh u la ong ba i kumba mynta ki mut ban ïa bam lut kat kaba don khlem pyrkhat ïa kaei ka ban ktah ïa ka lawei.
Kumta u la kyrpad ïa ki paidbah ba kin pyrkhat na ka bynta ka lawei bad u la kyrpad ruh ïa ka Sorkar ba ka dei ban shimkhia ïa kane.
Kane ka jingpynpaw u Dr. Syngkon ka dei haba ïakren bad katto-katne ki nongthoh khubor hadien ba la dep jurip ïa ka surok PMGSY ha Mawlai ha ka Sngi Ba-ar.
U la ïathuh haba u la ïoh ban kren ïa ka jingeh kaba ki paidbah kiba sah ha khappud bad Bangladesh ki la ïakynduh jingeh, ka Sorkar India ruh ka la sngap bad wat ki shipai BSF ruh ki la shimkhia.
U la kyntu ïa ki paidbah kiba don markhap bad ka Bangladesh ba kim dei ban shim sting namar kane kan buh jingma hadien habud.
