Shillong, Ïaïong 24
Ha ka jingpeitngor ha ki khappud ka Meghalaya bad Bangladesh, tang ha ki saw bnai, ki shipai Border Security Force (BSF) ki la ïoh ban kem haduh 78 ngut ki nong Bangladesh bad 37 ngut ki nong India kiba donkti ha ki kam khaïi beaiñ ha khappud.
Ki BSF ym tang ba ki pahara ïa u pud u sam hynrei ki ïaleh ban khanglad ruh ïa ki jingwan rung tuh ki briew na Bangladesh bad ban khanglad ïa ki kam khaïi beaiñ wat hapdeng ki jingduna kiba bun ha ryngkat ka jingïatreilang bad ki pulit ka jylla.
Ha kine ki khyndiat bnai ki BSF ki la ïoh ban kem haduh 750 tylli ki masi, kurup ïa ki mar khaïi beaiñ kum u ganja, kyiad, ki kuli pynbuaid kiba thmu ban shalan tuh sha Bangladesh bad haba kheiñ ha ka pisa jong kine ki mar ba la ïoh ban kurup, ka la kot sha ka T.11.70 klur.
Ki BSF ym tang ba ki kut jingmut ban ïada ïa ki khappud bad ka Bangladesh hynrei ka la pynlong ruh ïa ki jingsumar ei bad jingai snam ei haduh 13 sien bad 22 tylli ki jingïarap ïa ki nongshong shnong ha khappud.
Ban ïada kham bha ha khappud, ka la don ka jingïatreilang bad ki BGB ban pynthikna ba kan ïaid beit ka jingpahara ha khappud, ki bynta kiba kongsan ka long ban peit ba kan ym don ka jingwan rung tuh, ka jingïakhaïi tuh bad ki ‘riew sniew kim dei ban ïoh rung katba mon.
