Jowai, Ïaïong 24
Ka Lion Sports & Youth Affair ka la jop da 162 run ïa ka Khimusniang SC ha ka District Cricket League ha ka sngi Palei bad kane ka la wan lyngba ka jingïalehkai bha u Nick Dann bad u kapten Deibormi Rangad.
Ha kane ka jingïakhun kaba la long ha madan Khliehtyrshi, ka Lion kaba la shimti ban tied nyng-kong ka la ïoh 253 run bad shah pynhap 4 wiket ha ki 35 over. U Nick Dann u la tied 100 run na ki 76 tylli ki bol kynthup ïa 4 tylli ki ‘four’ bad 6 tylli ki ‘six’. Kumjuh u First Born Dkhar (41 run na ki 35 bol) bad u Deibormi Rangad (29 run na ki 24 bol).
Haba beh ïa ka thong, ka Khimusniang kam shym la lah ban ïalehkai bha ha kaba ka la ïoh tang 91 run ha ka 20.4 over. U Ebormi Sutnga Sutnga u la tied 18 run bad u Mebanroy Bamon (16 run). U Deibormi u la shim 5 wiket ryngkat u Peterson Lamare (3/21) bad u Marshal Pariat (2/21).
