Mawkyrwat, Ïaïong 24
Ka Meghalaya Commercial Truck Owner & Driver Association (MCTODA) South West Khasi Hills District hapoh ka jingïalam u Bah Robinsing Wahlang, President bad u Bah Philandar Thongni, Secretary ha ka 24 tarik u Ïaïong, 2025 ki la noh synñiang da ki tin sop ïing bad song pisa ïa ki dukan kiba sha lied ‘erïong ha Mawkyrwat ha kine ki khyndiat sngi bad kumjuh ban noh synñiang da ka song pisa ïa ka longïing kaba la shah bam duh ha ka ding.
U Bah Philandar Thongni haba ai jingkren u la ong, ka seng jong ki trai kali bad ki nongñiah kam dei ka seng kaba peit tang ïa ka kamai lajong hynrei ka dei ka seng kaba kwah ban peit bad ïarap lem ïa ki longïing longsem kiba mad bad ïakynduh ïa ki jingjia ba sngewsih.
Ki dukan kiba la shah lied ha ka ‘erïong ki dei jong ka Kong Riba Syiemlieh bad u Bah John Robert bad ka ïing kaba la shah bam duh ha ka ding ka dei jong ka Kong Brilsila Kharsyiemïong bad u Bah Jmingstone Lyngkhoi na ka shnong Mawblei.
