Shillong, Ïaïong 24
Ar ngut ki nongñiah kali kiba tbit ka Jylla hapoh ka lama jong ka Meghalaya Motorsports Society (MMS) kin ïashim bynta ha ka Indian National Rally Championship (INRC) ha kaba ka wat ba nyngkong jong ka 48th South Indian Rally kan long ha Chennai, Tamil Nadu naduh 25 haduh 27 tarik mynta u bnai.
Ka Phoebe Dale Nongrum ka la wanphai biang sha kane ka jingïakop hadien ba ka la lah ban pynpaw ïa ka jingtbit ha baroh ar tylli ki kyrdan jong ka INRC 3 bad ha ka kyrdan jong ki kynthei, ha kajuh ka por ka la shim bynta ruh ha kawei ka jingïakop ñiah kali bar ri wat ba nyngkong jong ka Asia Pacific Rally Championship (APRC).
Kane ka jingwanphai biang ka jong ka, kan long ka jingïarap ban nang kyntiew ïa ka jingdon ki nongñiah kali ka Jylla lyngba ka jingtbit bad ka jingtrei shitom jong ka ha ki jingïakop kiba la lah.
Ha kane ka jingleit shim bynta, yn ïasoh lang uwei pat u nongñiah kali ba dangkhynnah u Ronan Bazeley Kharbirymbai uba la ïoh jingjop dangshen ha ka Speed Fest Time Attack 2025 ha Umroi. U Ronan u la thmu ban mihkhmat ïa ka jylla ha ka Junior Indian National Rally Championship (JINRC) bad kane ka long ka sien kaba nyngkong eh na ka bynta ban leit shim bynta shabar jylla.
Katei ka 2025 INRC ka don haduh hynñiew tylli ki wat jingïakop, ha kaba ki nongïalehkai ki donkam ban poi beit sha ka kyrdan ba hakhmat khnang ban ïoh rah ïa ka nam lahduh.
Ka Meghalaya Motorsports Society ka ïai neh skhem ha ka thong jong ka ban kyrshan bad btin lynti ïa ka nongñiah kali ka Jylla ba kin nangkiew shaphrang ha kane ka kam ïalehkai.
