Jowai, Ïaïong 25
Ka North Liberty Higher Secondary School (NLH -SS) ka la rah ïa ka nam ‘Overall Champion’ ha ka District Level Inter School Athletic Meet 2025 ba la pynïaid da ka shlem treikam u District Sports Officer (DSO), West Jaiñtia Hills ryngkat ka jingïatreilang ka West Jaiñtia District Sports Association (WJDSA).
Kane ka la wan hadien ba ka la ïoh 26 tylli ki takma ksiar, 16 tylli ki takma rupa bad 12 tylli ki takma rnong, kumjuh ruh ka la ïoh ruh ïa ka nam ‘Best Athlete’ ha ka kyrdan Under-14 bad Under-18 na ka liang ki kynthei.
Kane ka lympung ïalehkai ka la poi sha kaba kut ha ka sngi Thohdieng ha Kiang Nangbah Sta-dium ha kaba la ïadon lang u MLA ka Jowai u Bah Wailadmiki Shylla kum kongsan.
Ïa ka nam Best Discipline Team la ïoh da ka Little Flower HSS, Ummulong.
Ïa ka nam ‘Best Athlete’ jong ka kyrdan Under-14 ha ka liang ki shynrang la ïoh da ka H.K Singh S.S ba la mihkhmat da u Resource Wellson Sayoo ha ka jingïakop Back Throw Triathlon-C. Katba na ka liang ki kynthei la ïoh da ka St. Mary Mazzarrello HSS ba la mihkhmat da ka Wanpyntngen Lytep ha ka jingïakop Triath-lon-C Long Jump.
Ha ka kyrdan Under-16 ha ka liang ki shynrang la ïoh da ka Govt. Boys HSS ba la mih-khmat da u Acharan Talang ha ka jingiakop mareh ba 60 mitar, katba ha ka liang ki kynthei la ïoh da ka North Liberty ba la mihkhmat da ka Saphika Pyrtuh ha ka jingïakop mareh ba 60 mitar.
Ha ka kyrdan Under-18 jong ki shynrang la ïoh da ka Kiang Nang-bah HSS ba la mihkhmat da u Yearmanwill Rym-bai ha ka jingïakop mareh kaba 100 mitar, katba na ka liang ki kynthei la ïoh da ka North Liberty ba la mihkhmat da ka Deigracia Dan ha ka jingïakop mareh kaba 100 mitar.
Ïa ka nam ‘Best Team’ ha ka liang ki kynthei la ïoh da ka North Liberty da kaba khur 17 tylli ki takma ksiar, 9 tylli ki takma rupa bad 3 tylli ki takma rnong, katba ïa ka kyrdan ba-ar la ïoh da ka St. Dominic HSS kaba la khur kawei ka takma ksiar, 3 tylli ki takma rupa bad kawei ka takma rnong.
Ïa ka nam ‘Best Team’ ha ka liang ki shynrang la rah da ka North Liberty da kaba khur 9 tylli ki takma ksiar, 7 tylli ki takma rupa bad 8 tylli ki takma rnong, katba ïa ka kyrdan ba-ar la ïoh da ka Government Boys HSS da kaba khur 3 tylli ki takma ksiar, 7 tylli ki takma rupa bad 3 tylli ki takma rnong.
Nalor u MLA, la donlang ruh u District Sports Officer (DSO), West Jaiñtia Hills u Bah Khroobok Passah, ki nongïalam bad dkhot nongkitkam ka WJDSA, ki Principal, ki nonghikai nalor kiwei kiwei ki riew pawkhmat ka thaiñ.
