Washington, Iaiong:
Kumba 12 tylli ki jylla jong ka America kiba bun na ki la ialam da ki Democrats, ki la pynrem jur ia u President ka US Donald Trump bad ia ka sorkar jong u halor ka jingbuh khajna ia baroh ki para-lok ba khaïi-pateng bad ka US, khamtam ia ka China kaba la wanrah jingkulmar ha ka ioh- ka kot ha ka pyrthei, kaba la buh jingma ruh ia ki jingiadei jong ka US bad kiwei pat ki ri ha ka liang ka khaïi- pateng bad kaba la pynjur ia ki jingeh ha kylleng ka pyrthei. Ka mukotduma ba la mudui da ka kynhun synrop jong ki phew tylli ki jylla ka la kynthoh ba u Trump um don bor ban pynjari be-aiñ ïa ki khajna kumba u la leh mynta namar ba u President um lah ban pynjari ïa ki khajna khlem ka jingmynjur lang jong ka Congress.
Kine ki hukum ki pynpaw ia ka polisi khaii-pateng jong ka ri kaba shong mynta ha ka jingkwah brai jong u President ban ia ka jingpyndonkam hok ia ka bor synshar aiñ jong u. La ong katei ka mukotduma la mudui da ki nongiasaid aiñ jong ki jylla ha ka ïingbishar jong ka khaïi-pateng jong ka ri jong ka US.
