Jowai, Ïaiong 27
Ka SCA ‘B’ ka la jop kput da 260 run pyrshah ïa ka WKHDCA ha ka jingïalehkai Meghalaya Cricket Association Under-16 Boys Inter District Cricket Tournament 2025 (Zone-1) ba la pynïaid da ka West Jaiñtia Hills District Cricket Association ha ka 26 tarik Ïaiong.
Ïa ka jingkynting pisa la jop da ka SCA ‘B’ ha kaba la kam trai ban tied nyngkong bad ïoh 322 na ki 50 over bad liem noh 9 wiket.
U Suraj Chettri marwei u la lah ban ïoh 129 run na ki 102 bol ryngkat ar tylli ki Six (6) bad 14 tylli ki Four (4). U Ryan Wilson Malngiang u la tied 43 run na ki 56 bol bad u Ynsanhame Tang pat u la tied 43 run (not out) na ki 28 bol.
U Pynshngainlang Marwein, Phibanker Iawphniaw, Pynskhemlang Nongsiej bad u Leadest Son Thongni kiba dei nongkawang bol jong ka WKHDCA ki la ïoh ban pynhap mar 2 wiket.
Ka WKHDCA ha ka pali ban beh ïa ka thong, kala lah ban tied tang 62 run bad hap lut baroh 10 wiket ha ka 24.5 over.
Napdeng ki nongtied jong ka WKHDCA dei tang u Pynshngainlang Marwein 16 (37) bad u Atiar Bakynsai Myrthong 14 (34) ki ba lah ban kamai run ar digit.
U Ynsanhame Tang bad u Bankhrawbor Khongjee, nongkawang bol jong ka ka SCA ‘B’ ki la ïoh ban khyrwit mar 2 wiket.
Ka jingïalehkai ha ka 28-04-2025 kan long hapdeng ka SCA ‘A’ pyrshah ïaka EJHDCA ha ka por 8:30 baje mynstep.
