Kyiv, Iaiong:
Hadien kawei pat ka jingïakren kaba la pynpluh biang ia ka jingiadei hapdeng jong u President ka Ukraine, Volodymyr Zelensky bad u President jong ka America, Donald Trump, u Zelensky u la khyllie biang ïa ka jingpynbna jong u snem 2018 naduh ka samoi treikam ba nyngkong jong u Trump ha kaba la ong ba ka Crimea ka dei ka bynta ba dei hok jong ka Ukraine hi bad ba ka Ukraine ka dei ban ioh biang ia ka ha kane ka por. Kane ka la jia hadien ba u Trump u la byrngem ïa u paralok jong u na Ukraine namar ba um shym la aiti ïa ka Crimea sha ka Russia, da kaba ong ba kane ka pynsniew ïa ka jingïakren ïasuk bad ka Russia kaba lah ban pynkut noh ïa ka thma ba la neh da ki snem ha Ukraine.
Haba batai ia ki jing-iakren iasuk ha London ha ka Sngi Palei, u Zelenskyy u la ong ba ka Ukraine kan bat ia ki riti-dustur ba la ialam da ki longshuwa-manshuwa bad kumta ruh ka Ukraine ka dei ban ioh ia la ka hok ban ioh long trai biang ia katei ka bynta kaba la shah kurup be-aiñ ha ka Russia ha ki snem ba la leit.
