Jowai, Ïaïong 28
Ka jingïalehkai Baby League ba la pynïaid da ka Youth Development Committee jong ka East Jaiñtia Hills District Football Association (EJHDFA) ryngkat ka District Sports Promotion Society ka la bteng biang ha ka sngi Saitjaiñ.
Kane ka jingïalehkai ka la long ha madan Artificial Turf, Diengshynrum ha ka jingwan ai mynsiem lang ki kmie ki kpa ryngkat ki bahaïing-bahasem jong ki khynnah.
Ha ka jingïalehkai kaba nyngkong jong ka kyrdan Under-9, ka Golden Lion FC ka la pynliem da 2-0 ïa ka Khliehriat GR Eagles. Katba ka Rymbai GR Hawks ka la jop da 8-0 kol ïa ka Wapung Tiger SC.
Ha ka Under-11, ka Golden Lion FC ka la pynliem da 2-0 kol ïa ka Khliehriat GR Eagles. Ka Wapung Tiger SC ka la pynliem ïa ka Rymbai GR Hawks.
