Washington, Iaiong:
U President jong ka America, Donald Trump, u la ong ba ka India bad ka Pakistan kim ju ia beit ne sngewthuh jingmut hynrei ki jingiakynad khappud hapdeng kitei ki ri ka iai bteng beit naduh ki 1500 snem haduh mynta. Hynrei, u Trump u la pynpaw ba u long hajan jong kitei ki ar tylli ki ri bad un ialeh ban weng ia ka jingeh kaba la pynthut ia ka jingiadei jong kitei ki ar tylli ki ri ha kane ka sien. Kane ka jingkren jong u ka long hadien ba 25 ngut ki nongjngohkai pyrthei bad uwei u trai shnong ki la shah siat-ïap ha ka jingleit thombor jong ki lehnoh ha ka thaiñ Pahalgam jong ka Jammu & Kashmir ha ka 22 tarik Iaiong. Haba kren bad ki lad pathai khubor ha ka Sngi Thohdieng, u President ka US u la ong ba ka jingeh jong ka Kashmir ka la ïaid “la shihajar snem” mynta bad u la bynrap ruh ba ka lah ban kham slem shuh ruh ia katei kaba u la antad. Namar u Trump u la ong ba u don ka jingiadei kaba jan bha bad ka India bad kumjuh ruh bad ka Pakistan bad u la iohi ba kine ki arliang ri ki don hapdeng ka jingiakynad mynta la shi hajar snem tam ha ki bynta jong ka Jammu & Kashmir.
