Shillong, Ïaïong 28
Wat la na ka por sha ka por la ju pynsngewthuh bad pynshai sha ki paidbah ba kim dei ban ngop ne ñion kulmar ïa ki ‘link’ ha ki mobile phone, hynrei ka jingshah thok pisa ka dang ïai bteng haduh mynta.
Uwei u rangbah briew na kawei ka dong kaba hap hapoh ka South West Khasi Hills u la ujor sha ki pulit ba ha ka 8 tarik Rymphang, 2024, u la ïohpdiang ïa ki message ha ka mobile jong u, ha kaba u nongphah message u la bthah ïa u ban ‘update’ ïa ka PAN card ka jong u lyngba ka link kaba la phah sha u.
Kham hadien ynda une u rangbah u la ñion ha kata ka link, u la lap ba ka pisa kaba long haduh T.49.997 ka la shah khate na ka bank account ka jong u.
