Shillong, Ïaïong 28
Ka jingkynriah klob ne ka Inter Club Transfer ba la pynlong da ka Shillong Sports Association na ka bynta ki rangïalehkai phutbol kiba don jingthmu ban leit ïasoh sha kiwei pat ki klob kiba thymmai ka don sa tang ar sngi, kumta ha ka Lah Sngi U Blei la sakhi ïa ka jingtuid ki rangïalehkai sha ka shlem treikam jong ka Shillong Sports Association.
Wat hapdeng ka jingther jong u slap ha ka janmiet jong kane ka sngi hynrei ki la don haduh 52 ngut ki rangïalehkai kiba la pyndep ban soi soskular ha ka miej jong ka SSA.
Ka Nongthymmai kaba la hiar sha ka First Division ka la pyllait lut baroh ki rangïalehkai barim bad mynta ka sngi ka la soi da kiba thymmai haduh 14 ngut. Kine ki long u Regelstar Suting na ka Lamlynti FC (12 shnong), Andrew Maring (Lummawbah SC), Me-banri Suting (Kharang SC), Mangdame Kyndiah (Sawmer SC), Pynshngaiñ -lang Suting (Mawryng-kneng SC) Mebankyrshan Khongsam (Sanmer SC), Dapkupar Mynsong (Nong -kohlew SC), Pynshngaiñ Mujar (Nongkohlew SC), Embhahlang Shadap (Nongkohlew SC) , Daryll Lyngdoh (Marbisu SC), Derdinald Kharbuki (Um-lyngka SC), Donboklang Kharjana (Umlyngka SC), Nathanbenezer Majaw (Laitlyngkot SC) Bankit Lyngdoh (Nongthymmai Riatnongkynrih), Banehskhem Nongrum (Nongthymmai Riatnongkynrih), Khlaiñborlang Nongrum (Nongthymmai Riatnongkynrih) bad u Reynold Nongkhlaw (Marbisu SC).
Katba ka Nongrim Hills kaba don ha ka kyrdan ïalehkai jong ka Shillong Premier League ka la soi 11 ngut ki rangïalehkai kiba thymmai. Kine ki kynthup ïa u Nangkiewkupar Kurkalang (Nongkseh SC), Bameai -jingmut Majaw (Shillong Lajong FC) Wanshanbor Mawkhiew (Mawkhriah West), Decadent L. Lyng-khoi (Lummawbah SC), Rijied Dathew Warbah (Nongkrem SC), Aiban-shai Nongkhlaw (Lumpa-ring SC), Medonryngkat Shabong (Lumparing), Bapynkmenlang Kharsati (Diengpasoh SC), Andy Son Lapang (Nongthym-mai SC), Morningstar Khongkiang bad u Damankyrpang Tariang (Lawsohtun SC)
Haba kheiñ lang ïa kane ka jingsoi soskular ha kane ka Inter Club Transfer naduh kaba sdang ha ka 21 tarik mynta u bnai ki long baroh 103 ngut na ka bynta ban ïalehkai ha ka Fourth, Third, Second, First Division bad Shil-long Premier League.
