Aizawl, ïaïong:
Ka jingpang khlam African Swine Fever (ASF) ha Mizoram ka la dep ban shim ïa ka jingim jong palat 3,050 tylli ki sniang ha kylleng ki saw tylli na ki shiphew tylli ki distrik jong ka jylla naduh ba ka la saphriang biang mynshem bnai, la pynthikna uwei na ki heh sorkar, ha kine ki khyndiat sngi.
Katkum ka jingïathuh jong uwei u heh jong ka tnad Animal Husbandry and Veterinary Department (AHVD), la pynbna ïa ki 46 tylli ki jaka ha Siaha, Lawngtlai, Lunglei, bad Mamit distrik jong ka jylla kum ki jaka ba shah ktah ha u khñiang jingpang ASF.
Kaba kham pawnam ka long ba baroh saw tylli ki distrik kiba shah ktah ki ïasam ïa ki khappud bad ki bym don jingker bad ka Myanmar bad ka Bangladesh, kaba la pynmih ïa ka jingsngewkhia halor ka jingsaphriang u khñiang jingpang shabar khappud.
Ka Siaha distrik ka dang long kaba shah ktah jur bha, ha kaba ka don haduh 1,651 tylli ki sniang kiba la ïap.
Ka shnong Lawngtlai, kaba don ha khappud bad ka Myanmar bad ka Bangladesh, ka la don 1,189 tylli ki sniang kiba la ïap.
Ha ka jingpyrshang ban tehlakam ïa ka jingsaphriang stet jong kane ka jingpang kaba saphriang bha, ki kynhun AHVD ki la pynkynriah jaka ïa kumba 1,000 tylli ki sniang ha ki distrik kiba la shah ktah.
Katba ka jingkiew stet jong ka jingïap jong ki sniang kaba la ïohi ha kaba sdang jong ka taïew ka la pyni ïa ki dak jong ka jinghiar naduh ka sngi Palei, jong ka taïew ba la lah, ki heh jong ka AHVD ki dang bteng ban batai ïa ka jinglong jingman kum kaba “shitom bha”, la bynrap shuh shuh u heh sorkar.
U heh sorkar u la pynpaw shuh shuh ba ki heh jong ka tnad ki la pynpaw ba ka jinglong jingman kaba shit kaba don mynta ryngkat bad ka jinghap slap kaba man ka por ka long kaba sngewsih ban pynsaphriang ïa u khñiang jingpang ASF.
Ki heh ophisar jong ka AHVD ki dang buddien bha ïa ki jaka ba shah ktah bad pyntreikam ïa ki lad jingïada kiba pyrkhing bha, da kaba kyntu ïa ki nongri sniang bad ki paidbah ba kin long kiba husiar bha.
Katkum ki khubor, kane ka jingpang kaba dang shen ka dei hadien ka jingwan jong ka ASF wave kaba la pynjot ha u snem ba la dep, kaba la wanrah ïa ka jingduhnong kaba T.336.49 klur tyngka na ka bynta ka Mizoram, ha kaba 15,000 tylli ki sniang ki la ïap na kane ka jingpang bad kumba 24,200 tylli kiwei pat ki la shah pynkynriah jaka kum ka lad jingïada.
Ka jingpang ASF kaba nyngkong eh ha Mizoram ka la sdang ha ka shiteng jong u bnai Lber 2021 bad naduh kata ka por ka la wanrah ïa ka jingjulor kaba khraw ha ka liang ka ïoh ka kot ïa ki nongri jing-ri bad ki jaka ri jingri jong ka sorkar.
Naduh u snem 2021, ka jylla ba Shatei-lam-Mihngi ka la mad ïa ka jingduhnong ha ka liang ka pisa tyngka baroh kaba T.896.69 klur namar ka ASF, ha kaba ki jingïap jong ki sniang bad ka jingpynkynriah jaka ïa ki ka la jur bad paw pyrthei bha ha kaba ki la don kumba 33,417 tylli kiba ïap bad 12,568 tylli kiba shah pynkynriah jaka ha u snem 2021; 12,795 tylli kiba la ïap bad 11,686 tylli kiba la shah pynkynriah jaka ha u snem 2022; bad 1,139 tylli kiba la ïap bad 980 tylli ki al shah pynkynriah jaka ha u snem 2023.
Hadien ka jingshah pynjulor, ka sorkar ka la ai bai lutksan sha ki longïing kiba bun kiba la mad ïa ka jingduhnong namar ka jingpang kaba saphriang bha, la bynrap biang une u heh sorkar.
