Mawkyrwat, Ïaïong 29
Ka jingther u ‘lapbah bad ka ‘erïong kaba jur ha ka miet jong ka 28 tarik u Ïaïong, 2025 ka la pynlong ïa ki ïing ki sem ba kin shah pynjulor biang ha South West Khasi Hills District.
Katkum ki tyllong khubor ba la ïoh lum la ïathuh ba ki don kumba 16 tylli ki ïing kiba la shah ktah ha ka ‘erïong kiba hap hapoh ka Mawkyrwat bad Ranikor Block. Ki shnong kiba la shah pynjulor ki long ka Umsaw 4 tylli, ha Diwian 2 tylli, ha Photjaud bad Pynndensakwang mar kawei, ha Golsora 6 tylli, ha Nongkenbah bad Nolikata mar kawei.
Shuh shuh la ïathuh ba ha katei ka jingjia kam shym la don ka jingmynsaw ne ki jingjia ba sngewsih lait noh tang ka jingshah lied ki ïing ki sem.
