Shillong, Ïaïong 29
Lai ngut ki ‘thei rahnar ka Jylla kin pynkhreh ban leit ïashim bynta ha ka Power Lifting Games 2025 ka ban long ha ka 1 tarik u Jymmang 2025 ha Silchar.
Kine ki kynthup ïa ka Aibahun Pyngrope, Venissa Marbaniang kiba na Umlyngka Mawpun lem bad ka Kong Clarisa Marbaniang. Ka Kong Clarisa ka dei ka nongïalehkai kaba la khur takma ksiar ha ka North East Power Lifting kaba la long ha Sikkim.
Ïa kine ‘thei rahnar la ai jinghikai da u Bah Javed Sohtun uba long ruh uwei na ki nong-ïalehkai ba paw ka Jylla bad kin mih na kane ka nongbah ha ka sngi Balang.
Na ka liang u Bah Javed Sohtun uba long ruh kum u nonghikai ha ka Beast Fitness Gym kaba don ha Laimer u la kyntu ïa ki khynnah kiba don jingthmu ban pynbit ïalade ha ki kam ïalehkai ba kin wan sha kane ka jaka ïalehkai. “Lada phi ïashim bynta ha kino-kino ki jait jingïalehkai phi donkam ban pynkiew ïa ka jingkhia bad ban pynwandur ïa ka met ka phad lyngba ka jingshim bynta ha ka jingïalehkai gym.”
