Shillong, Ïaïong 29
Uwei u rangbah u la shah thok pisa da ki phew hajar tyngka ha uwei pat u briew uba la leh mynleh kum u nongdie arshaka lyngba ka ‘Facebook’.
Katkum ka khubor na ki pulit la ong ba une u rangbah uba dei na kawei na ki dong jong ka nongbah Shillong u la ai ka jingujor ba ha ka 14 tarik mynta u bnai, ha ka por kumba 7 baje janmiet, u la ïoh pdiang ïa kawei ka phone call kaba um ithuh, ha kaba u briew ba phone u la kam ba u dei mynnong nongdie ïa ki arshaka thynrim (second hand) lyngba ka ‘Facebook’ bad u la lah ban pynkohnguh ïa u ban thied ïa kawei ka arshaka Avenger ha ka dor T.45,000/-.
Kham hadien na ka liang jong une u rangbah u la sngewthuh ba u la dep ban shah thok ha utei u briew halor ka jingpynkohnguh ban thied ïa ka arshaka.
