Washington, Iaiong:
Ka Press Secretary jong ka White House, ka Karoline Leavitt ha ka Sngi Nyngkong ka la ong ba u president jong ka America, Donald Trump, u kwah ban iohi ia ka jing sangeh iasiat kaba junom ban pynkut noh ia ka thma jong ka Russia ha Ukraine.
Ka Leavitt ka iathuh ha ki nongthoh khubor, ba u Trump u dap da ka jingsngewkhia halor ka jinglong-jingman ka jingiadei hapdeng ka Russia bad ka Ukraine bad ka jingbym lah ban ia pdiang uwei-ia-uwei hapdeng u President ka Russia- Putin bad u Zelensky- President ka Ukraine.
Bad u Trump u la ong ba kine baroh ar ngut ki donkam ban wan sha ka miej jingiakren kaba jai-jai bad kaba kyrkieh ruh khnang ban lait na kiei- kiei kiba kham heh bad ha shwa ba ka jingjot kan wan lap ia kitei ki ri.
Katei ka heh nongialam na US, ka la kdew ruh ba u Putin u la tyrwa ban sangeh thma shipor ha ka sngi Nyngkong, hynrei ka la pynpaw biang ba u President jong ka US u la kren shai ba u kwah ban iohi ïa ka jingsangeh thma junom, ym ka ban shu pynsangeh shipor hynrei kan iai tyllun kumjuh shi kumjuh bad kane kam shym ai jingmyntoi eiei ia ka Russia ne ia ka Ukraine ruh kumjuh.
