Madrid, Iaiong:
U Myntri Rangbahduh ka Spain, Pedro Sanchez, ha ka Sngi Ba-ar u la pynbna ba ka sorkar ka la thaw da kawei ka kynhun ba kyrpang ban tohkit ïa ki daw jong ka jingduh bording kaba la pynthut ïa ka Iberian Peninsula ha kane ka por.
Kane ka jingpynbna ka long ha kum kane ka por ba ka ïingbishar ba ha khlieh duh jong ka ri ka la pynbna ïa ka jingtohkit ba bniah halor kaba iadei bad katei ka jingduh bor-ding ha katei ka ri.
Ka seng Vox kaba don ha ka liang kadiang tam jong ka Spain ka la thombor ïa ka sorkar kaba don ha ka liang kadiang da kaba pynïadei ïa ka jingduh bor kynsan bad ka jingpynduh noh ïa ki karkhana nuclear jong ka Spain kaba la buh por.
U Sanchez u la ong ba ki karkhana nuclear ki dang shah pyniasoh biang ha ka Sngi Ba-ar , kaba pyni ba ka jingpyntreikam biang ia kitei ki shlem kam long kaba suk bad kaba kloi ban shu pynurlong noh mar-mar.
