Khliehriat, Nongpoh, Ïaïong 30
Ka shlem treikam District Sports Officer (DSO), East Jaiñtia Hills District ka la pynbna ba shen kan sa sdang noh ïa ka lympung ïalehkai District Level Inter School Subroto Mukherjee Cup Football Tournament 2025.
Kane ka lympung ïalehkai kan dei na ka bynta ki khynnah skul shynrang Under-15, katba ka Under-17 jong ki kynthei bad shynrang. Ïa ki form lah ban ïoh na katei ka shlem treikam kaba don ha Dkhiah ha ka por long trei bad ka tarik kaba khatduh ban pynpoi ïa ki form kan dei ha ka 26 tarik Jymmang 2025.
Ka jingot snem na ka bynta ka Under-15 (Boys) kin dei kiba kha ha shwa lane hadien ka 1 tarik u Kyllalyngkot, 2011. Na ka bynta ka Under-17 jong ki shynrang bad kynthei kin dei kiba kha ha shwa lane hadien ka 1 tarik u Kyllalyngkot, 2009.
Ha kawei pat ka liang ka shlem treikam u DSO ka Ri Bhoi ka la pynbna ba shen yn pynlong ïa katei ka lympung. Ïa ki form lah ban ïoh na katei ka shlem treikam kaba don ha Nongpoh ha ka por long trei, katba ka jingkhmih ïa ki rta jong ki khynnah kan long ha ka 21 bad 22 tarik u Jymmang.
Te kumta na ka liang kitei ki DSO ki la wer ïa ki skul kiba don hapoh kitei ki District ban wan ïashim bynta ha kane ka lympung ïalehkai.
