Jowai, Jymmang 01
Ka SCA ‘A’ ka la jop da 18 run ïa ka South West Khasi Hills District Cricket Association(SWKHDCA) ha ka lympung ïalehkai Under-16 Boys Inter District Cricket Tournament 2025 ha ka sngi Palei.
Ha kane ka jingïakhun ka SCA ‘A’ ka la jop ïa ka kynting pisa ha kaba ka la kam trai ban tied nyngkong da kaba la tied 132 run bad shah pynhap 10 wiket ha ki 27.2 over. U Krishiv Choudhary u la tied 66 run na ki 66 bol ryngkat bad 8 tylli ki ‘four’. Katba u Steviericson Ïawphniaw, nongkawang bol jong ka SWKHDCA u la shim 3 wikets ha ki 5 over.
Haba wan beh ïa ka thong ba la buh da ka liang pyrshah, ka SWKHDCA ka la ïoh tang 114 run bad shah pynhap 10 wiket ha ki 28.1 over. U Sunshinestar Nongsiej u la tied 51 run na ki 70 bol ryngkat bad 9 tylli ki ‘four’. Katba u Krishiv Choudhary jong ka SCA ‘A’ u la shim 3 wiket ha ki 9.1 over.
Da kane ka jingjop ka SCA ‘A’ ka la pynkut noh ïa ka jingïakhun jong ka ha kane ka lympung ba la pynlong da ka Meghalaya Cricket Association bad ka la wan balai ha ka miej ïakheiñ poiñ da ka ba jop shisien, rem shisien bad ïakhaid ha ki ar jingïalehkai naba pynthut u slap.
Ka jingïalehkai ha ka sngi Thohdieng kan long hapdeng ka EKHCA pyrshah ïa ka EWKHDCA ha ka por 8:30 mynstep.
