Washington, Jymmang:
U President ka US, u Donald Trump, u la ong ba ki nong America ki dei ban long kiba iai-shah watla ki iohi ia ka jinghiar ha ka ioh- ka kot jong ka US ha kane ka sien bad u la pynksan ruh ba ka jinghiar jong ka ioh- ka kot ha US kam dei namar ki khajna kiba u wanrah hynrei ba ka ju don hi ka jinghiar bad jingkiew ha ka ioh- ka kot na kawei ka por sha kawei pat.
Ka ioh ka kot ka la hiar stet da 0.3% ha kine ki 3 bnai ba sdang jong une u snem, kaba la pynkhia ha ka jingtuid jong ki mar kiba la wanrah da ki kam khaïi kiba kwah ban kiar na ka jinglut kaba heh, kaba pynpaw ïa ka jinglong ba pynthut jong ka jingwanrah khajna jong u Trump.
U Trump, uba long u nongialam ka Republican, u la kynnoh ïa u nongialam ba ha shuwa jong u, na ka seng Democrats- u Joe Biden, halor ka jingbym lah ban pyni dur bha.
U Trump u la bynrap ruh ba kane ka kam kan long kaba shim por kumba katto- katne hynrei kane ka jinghiar ka ioh- ka kot jong ka ri kam shym don jingïadei ei-ei bad ka jingwanrah jong u ia ki khajna ba thymmai ha une u snem.
U Peter Cardillo, uba dei u Chief Market Economist jong ka Spartan Capital Securities ha New York, u la buh ïa ka jingkitkhlieh halor u Trump.
Hooid, ka thma khaii pateng kaba dang ïaid shakhmat, kaba don bun ki bynta ka dang ïai bteng ban pyndum ïa ka aiom kamai jong ki kompeni jong ka US, ha kaba ki kompeni ki nang pynduna ne pynduna ïa ka jingïalam namar ka jingdum jong ka jingbym thikna jong ka dor.
