Shillong, Jymmang 01
Ka Shillong Sports Association (SSA) ka la khot sngewbha ïa ki klob jong ka Third Division na ka bynta ban ïashim bynta ha ka lympung ïalehkai Third Division Football Tournament 2025 kaba la buh ban sdang naduh ka 16 tarik mynta u bnai.
Ïa ki form na ka bynta ban pynrung kyrteng ïa ki rangïalehkai lah ban shim na ka shlem treikam jong ka SSA hadien ba la dep siew ïa ka bai entry. Yn pdiang ïa ki entry haduh ka por 5 baje janmiet ha ka 17 tarik bad yn ym ban pdiang ïa kiba wan palat ïa ka tarik ba la buh.
Kat kum ka kyrwoh ba la pyllait da u Bah D. Lyngdoh Nongbri, General Secretary ka SSA ka ong ba tang ki klob kiba la dep ban siew ia ka bai ‘renewal ‘fee’ na ka bynta u snem 2025 kiba lah ban shim bynta ha kane ka lympung.
Shuh shuh ka SSA ka la khot sngewbha ïa ka jingïashim bynta ki klob Fourth Division na ka bynta ka U-20 Football Tournament 2025 kaba la buh ban sdang naduh ka 2 tarik u Jylliew.
La ong ba tang ki nongïalehkai kiba kha hadien kane ka 1tarik u Jymmang 2025 ki lah ban ïashim bynta ha kane ka lympung. Ïa ki form na ka bynta ban pynrung kyrteng ïa ki nongïalehkai lah ban leit shim na ka shlem treikam ka SSA hadien ba la dep siew ïa ka bai rung. Yn pdiang ïa ki jingïashim bynta haduh ka por 5 baje janmiet ha ka 10 tarik mynta u bnai.
