Washington, Jymmang:
U President ka United States, Donald Trump, ha ka Sngi Palei u la ong ba kito ki ri kiba ju thied ia ka umphniang jong ka Iran lane kiba iadei kam bad ka Iran ha ka liang ka khaii-pateng, kin shah pynngat kyndon ha ka US bad lada dei ki riew shimet ruh kiba don jingiadei bad kane ka kam, kin shah pynngat kyndon ha ka US lada ka lap ia kum kita.
U Trump u la maham tyngeh ba lada kino-kino kiba la iohi ia kane ka jingmaham bad kiba dang ialeh pyrshah, kin shah pynngat kyndon bad kin nym lah shuh ban iatreilang ba ka United States hadien habud bad kane kan long ka jingduh nong ia ki hi lada ki nud ban ialeh pyrshah ia ka US.
Namar ka US baroh shi katta ruh ka la khang pyrshah ia kino-kino ki ri ne ki riew shimet ba kim bit ban ai jingkyrshan ia ka Iran, da kaba iadie- iathied bad katei ka ri, namar kan iarap ban kyntiew ia ka ioh- ka kot jong katei ka ri bad kan iarap ia katei ka ri ba kan pynkhlaiñ ialade bad kan ioh ban leit thombor ia kiwei pat ki ri lane ka lah ruh ban ai jingkyrshan ia ki ri kiba leit thombor ia ki para marjan kumba long ka Russia ha Ukraine bad ka Hamas ha Israel.
