Washington, Jymmang:
U President ka U.S., Donald Trump, u la weng noh ïa u nongai jingmut jong u ha ka liang ka jingïada ri, u Mike Waltz, ha ka Sngi Palei bad u la jied ïa u Secretary jong ka Sorkar Pdeng, u Marco Rubio kum nongmih bujli ba shipor ha ka jaka jong u.
U Trump, ha ka jingthoh jong u ha ka social media, u la ong ba un jied ia u Waltz ban long kum nong-rahktien jong ka U.S. sha ka United Nations, da kaba bynrap ba u la trei shitom ban wanrah ka jingmyntoi hakhmat eh n aka bynta ka jaitbynriew jong ka ri.
Dang ha katei hi ka sngi, ki tyllong khubor kiba bun ki la iathuh ba u Trump u la rai ban weng noh ia u Waltz na ka kam pahara ri jong u. U Army Green Beret ba la shongthait bad u nongthaw aiñ barim jong ka seng Republican na Florida u la mad ïa ka jingshah kynthoh hapoh ka White House.
U Rubio un dei u briew uba nyngkong eh naduh u Henry Kissinger ha ki snem 1970 ban bat ïa ka kyrdan Secretary of State bad National Security Adviser ha kajuh ka por.
U nongai jingmut ha ka liang ka jingshngain ka ri u dei ka kam kaba donbor kaba ym donkam ia ka jingpynskhem jong ka Senate. U Trump, u la don saw ngut ki nongai jingmut ha ka liang ka jingïada ri ha ka samoi treikam ba nyngkong jong u: u Michael Flynn, u H.R. McMaster, u John Bolton bad u Robert O’Brien.
