Shillong, Jymmang 04
Ka kynhun ïalehkai phutbol ka Jylla kan pynkhreh ban bat biang ïa ka takma ksiar ha ka 7th Khelo India Youth Games ka ban long ha ka Sngi Ba-ar pyrshah ïa ka Chandigarh.
Ka Meghalaya kaba la rah ïa ka nam lahduh ha u snem 2024 ha Tamil Nadu bad mynta kan pynkhreh ban khur biang sa kawei ka takma ksiar ha kane ka jingïakhun ka ban long ha Bihar.
Ïa kane ka kynhun ïalehkai ka Jylla la ïalam biang da u coach ba kynsai u Bah Jeffrey Warlarpih. Te kumta ka Meghalaya kaba la don ha ka Group-A kan kynthup lang ïa ka Odisha, West Bengal bad ka Chandigarh. Katba ha ka Group-B ki kynthup ïa ka Bihar, Delhi, Mizoram bad ka Jharkhand.
Ha kane ka lympung ka Meghalaya kan pynkhreh ïa ka jingïakhun ba ar pyrshah ïa ka Odisha ha ka 8 tarik bad ïa ka West Bengal ha ka 10 tarik. Ki ar tylli ki kynhun ki ban wan ha ki kyrdan ba hakhlieh na baroh ar ki group kin ïoh rung sha ka semi final.
