Jowai, Jymmang 05
Ka Evergreen SC & CC ka la pynliem ïa ka Khimusniang SC da 63 run ha ka District Cricket League 2025 ba la pynïaid da ka West Jaiñtia Hills District Cricket Association ha ka Lah Sngi U Blei.
Ha kane ka jingïakhun, ka Evergreen kaba la kam trai ban tied nyngkong ka la ïoh 184 run bad shah pynhap 6 wiket na ki 20 over. U Dinando Tariang (not out) u la tied 51 run na ki 25 bol ryngkat ar tylli ki ‘six’ 8 tylli ki ‘four’. Kumjuh u Sainborlang Gadew (not out) u la ïoh 33 run na ki 23 bol ryngkat ar tylli ki ‘six’bad 3 tylli ki ‘four’. U Lumporlan Passah (C) bad u Kenitestar Bareh ki la ïoh mar 2 wiket na ka bynta ka Khimusniang.
Haba wan beh ïa ka thong, ka Khimusniang ka la tied tang 121 run ha ki 20 over bad shah pynhap 8 wiket. U Yoohimitre Patwet u la tied 42 run na ki 20 bol ryngkat ar tylli ki ‘six’ bad 6 tylli ki ‘four’. Katba u Dinando Tariang u la ïoh 4 wiket ha ki 4 over bad u la ïohpdiang ruh ïa ka nam Man of the Match.
Ka jingïalehkai ha ka sngi Ba-ar kan long hapdeng ka Khliehtyrshi SC pyrshah ïa ka Mowkaïaw CYC ha ka por 8.30 mynstep.
