Shillong, Jymmang 05
Ka kynhun ki ‘thei ïalehkai ka Mawsynram bad ki ‘rang ïalehkai ka Sohra Cluster (A) ki la long kum lahduh ha ka (L) Benjamin Diengdoh Memorial U-16 Inter School Cum Cluster Cricket Tournament 2025 ba la pynïaid da ka East Khasi Hills District Cricket Association.
Ha ka jingïakhun final jong ki kynthei kaba la long ha madan Saitsohpen kaba ha Sohra, ka Mawsynram Cluster ka la pynliem noh ïa ka Pongtung Cluster da 45 run. Ka Mawsynram kaba la kam trai ban tied nyngkong, ka la ïoh 106 run bad shah pynhap 3 wiket ha ki 20 over. Ka Eliza Lyngdoh ka la tied 58 run na ki 46 bol. Katba ka Saramanbha Kongsit ka la shim 2 wiket ha ki 3 over.
Haba wan beh ïa ka thong, ka Pongtung ka la tied tang 61 run bad shah pynhap 4 wiket ha ki 20 over. Ka Sweetcy Khongtiang ka la ïoh 13 run na ki 23 bol. Katba ka Eliza Lyngdoh ka la shim 2 wiket ha ki 3 over. Ïa ka nam Player of the Match la ïohpdiang da ka Eliza Lyngdoh bad Player of the Tournament ka leit sha ka Eliza Lyngdoh.
Haba phai sha ka jingïakhun final jong ki shynrang, ka Sohra Cluster (A) ka la jop da 4 wiket ïa ka Pongtung Cluster. Ka Pongtung kaba la shimti ban tied nyngkong, ka la ïoh 49 run bad shah pynhap 10 wiket ha ki 20 over. U Mewanshailang Khongmawloh u la tied 21 run na ki 27 bol. Katba u Pynshngaiñ Sohkhlet u la shim 4 wiket ha ki 3 over.
Haba wan shimti ïa ka pali kaba ar, ka Sohra ka la kynjoh sha ka thong da kaba ka la tied 50 run bad shah pynhap 6 wiket ha ki 12.1 over. U Dathew Sohkhlet u la tied 12 run na ki 27 bol. Katba u Jebenti Lyngdoh u la shim 2 wiket ha ki 3 over. Ïa ka nam Player of the Match la ïohpdiang da u Pynsngaiñ Sohkhlet bad Player of the Tournament ka leit sha u Mewanshailang Khongmawloh.
