Imphal, Jymmang:
Ka tnat Anti-Exortion Unit jong ki pulit Commando ka Manipur ka la kem ïa lai ngut ki nongtrei kiba napoh-napoh kiba donkti ha ki kam dawa pisa khlem don jingsngew ha ki jaka them ha ki jingtrei ba kyrpang ha kine ki 36 kynta ba la dep.
La ïoh kurup ïa kawei ka kali saw shaka bad kawei ka tiar pyntip kaba pyndonkam ha ki kam pyrshah imlang-sahlang, la ïathuh ki pulit ha ka sngi U Blei.
Katkum ka jingïathuh jong ki pulit, kane ka kynhun ka la kem ïa ar ngut ki briew ba la kynnoh ba ki don ha ka kynhun ba la shah ñiew beaiñ jong ka Kangleipak Communist Party-People’s War Group na ki jaka rieh tngen jong ki ha Mayang Imphal Konchak Awang Leikai Yangbi Leirak hapoh ka Mayang Imphal Police Station ha Imphal West distrik.
Kitei ar ngut ki dei ba la tip kyrteng kum u Yumkhaibam Sagir Khan ba la tip ruh da ka kyrteng kum u Ibungo, Manao bad Manaokat (23 snem) bad u Salam Sadananda ba la tip ruh da ka kyrteng kum u Chombi Meitei (27 snem), baroh arngut ki dei kiba na Mayang Imphal Thana Wangkhei Leikai, PS-Mayang Imphal, Imphal West.
Kine ki dei kiba don-kti ban dawa pisa na ki ophis/skul sorkar bapher bapher, na ki riew paidbah, bad na ki nongdie dukan ha ki thaiñ Mayang Imphal.
Kawei ka Mobile Phone la kurup na ki, ong ka khubor.
Ha ka jingkhynra kaba ar, ki pulit ki la ïoh ban kem ïa uwei u nongtrei ba trei shitom jong ka United National Liberation Front, UNLF (Koireng) uba la shah beh aiñ, kata u Konsam Romesh Meitei (46) na Kongba Bazar Kshetri Leikai kaba hap hapoh ka Irilbung-PS, Imphal East District, na ka ïingsah jong u.
U la donkti ha ki kam dawa pisa na ki Gas Agency, ki skul, ki kolej, ki nongdie dukan, bad ki Institution sorkar, bad kiwei kiwei, kiba don ha ka Elaka Bishnupur bad ka thaiñ Imphal.
Ka kaiphod ka la bynrap ba la kurup ïa kawei ka kali saw shaka na ka kti jong u.
