Jowai, Jymmang 05
Ka North Liberty Higher Secondary School, kaba don ha Mookyrdoop-Jowai, West Jaiñtia Hills, sa shisien ka la lah biang ban leh bha ha ka eksam jong ka MBOSE ha ka HSSLC Science stream, ha kaba ar ngut ki khynnah ki la ïoh ban rung biang ha ka Top 10 mynta u snem.
Ha ka result kaba la pynbna ha ka 5 tarik Jymmang, ka Reesa Ee Christine Suting ka la ïoh ïa ka kyrdan kaba san ryngkat 461 marks, katba ka Rilanaika Sari ka la ïoh ïa ka kyrdan kaba khyndai ryngkat 452 marks.
Ka jingpass bha ki khynnah Science kaba la kynjoh sha ka 82.94 ha ka kyrdan Science mynta u snem, ka paw ba ka jingnang kiew ka jingstad bad ka jingïakop hapdeng ki khynnah ka la jur bha ban poi shakhmat.
Ka North Liberty ka la ïoh ïa ka pass percentage kaba 100 percent ha kaba baroh 46 ngut kiba ïakhun ïa ka eksam ki la pass lut.
