Shillong, Jymmang 06
Uwei u samla hadien ba u la pyrshang ban tuh ïa ka masi na kawei ka sem, u la thang ruh ïa ki tiar jong kawei ka ïing kaba don ha ka shnong Dongkseh ha Dieng-pasoh ha East Khasi Hills.
Katkum ka khubor kaba la ïoh na ki pulit la ong ba kane ka jingjia ka la jia ha ka 4 tarik mynta u bnai, ha ka por kumba 8.30 mynmiet, ha kaba uwei u samla uba la tip kyrteng kum u Sibas Mawthoh ba ju khot sin ruh kum u Lung Ksep, la ong ba u la pyrshang ban tuh ïa ka masi na ka sem bad ruh ban thang ïa ki tiar ïing kiba dei jong u Bah Swonki Mynsong na Dongkseh, Diengpasoh (EKH).
Hynrei la ong ba ha kane ka jingshah thang, tang kawei ka pla ka la kem ding. Na ka liang jong u trai ka ïing, u la ïoh ban bat noh ïa utei u samla bad ar ngut kiwei pat ki paralok jong une u Sibas ba la tip kyrteng kum u Budlang Rynjah (27 snem) bad u Wailad Mynsong (19 snem) ki la ïoh ban phet krad na katei ka jaka.
Ha kaba ïadei bad kane ka jingujor, na ka liang jong ki pulit ki dang pynlong ïa ka jingtohkit ban lap ïa ki jingshisha baroh.
