Shillong, Jymmang 06
Ka ‘thei ïakura ka Jylla ka Dakahi Paya Lyngdoh ka la wanrah burom ïa ka Jylla da kaba ïoh khur ïa ka takma rnong ha ka 68th National School Games U-19 years Boxing Competition 2025 kaba la long ha nongbah Delhi.
Ha kane ka lympung ïakura ka Dakahi ka la khur ïa katei ka takma hadien ba ka la shah rem noh ha ka semi final bout ha ka Jiya kaba na Uttar Pradesh.
Ha kane ka lympung kaba la sdang naduh 30 tarik u Ïaïong haduh 5 tarik u Jymmang, ka Jylla ka la phah haduh 9 ngut ki shynrang bad 6 ngut ki ‘thei ïakura.
Te kumta u Dabetmiki Dhar (46-49kg) u la shah rem noh ha ka quarter final bout, katba kiwei pat kiba la shah rem ha ka pre-quarter final bout ki long u Amathyst Synnah (44-46kg), Kibanroi Sancley (49-52kg), Krishna Prasad Gupta (75-81kg), ka Rosa Maslai (45-48kg), Rimika Lyngdoh Nonglait (43-45kg) bad ka Sanphika Mynsong (54-57kg).
