Shillong, Jymmang 07
Ki shipai ïada khappud Border Security Force (BSF) ki la ïoh kem 4 ngut ki nong Bangladesh kiba thmu ban jam beaiñ sha u pud u sam ka Jylla.
Ka kyrwoh na ki BSF ka ïathuh ba ïa kine saw ngut ki nong Bangladesh la kem katba ki dang thmu ban jam sha shiliang u pud u sam ka Jylla ha ki thaiñ jong ka South West Garo Hills ha ka 6 tarik Jymmang.
Kine saw ngut kiba shah kem ki dei nongshong shnong na Mymensingh, Gajipur bad Nogaon District ka Ri Bangladesh.
Ïa kine baroh saw ngut la aiti sha ki pulit ka thanat Mahendraganj ha South West Garo Hills ban leh ïa kaba donkam katkum ki kyndon aiñ.
