Jowai, Jymmang 07
Ki pulit ka West Jaiñtia Hills ha ka 7 tarik Jymmang ki la ïoh ban kurup ïa ki tiar ba la suba khaïi beaiñ na kawei ka kali ba la iehnoh ha ka por ba ki pynlong ïa ka jingkhynra ne ka ‘Naka Checking’ ba man ka sngi ha Soomer, shilynter jong ka surok Jowai Bypass.
Ka kynhun pulit ka la lap ïa kawei ka kali kaba don ïa u registration number AS06-AB-4098, kaba la shah iehnoh khlem da peit da u nongñiah jong ka.
Ha ka jingjurip, la ïoh kurup haduh 13 tylli ki sop sabon kiba don baroh 129.48 gram u drok ba la suba ba u dei u heroin. Ki pulit ki la ïathuh ba mynta ki dang register case bad ka jingtohkit kaba bniah ka dang ïaid shakhmat.
