Shillong, Jymmang 07
U Rohit Sharma ha ka sngi Balang u la pynbna ban shongthait noh na ka jingïalehkai Test bad kane ka la wan hadien ba u la pynpaw ha ka Instagram la jong.
Dangshen, une u kapten ka kynhun ïalehkai ka ri um shym la thikna ba un shah jied na ka bynta san tylli ki jingïalehkai Test ka ban long ha England, namar ba ka BCCI, ka dang wad ban ïoh ïa u kapten bathymmai.
“Nga kwah ban pynpaw sha phi baroh ba ngan shongthait noh na ka jingïalehkai Test,” u la pynpaw utei u khlur ïalehkai.
“Ka long ka burom kaba khraw ban mihkhmat na ka bynta ka ri ka jong nga. Khublei shibun ïa ka jingieit bad ka jingkyrshan ha kine ki snem.”
Hynrei une u rangïalehkai ba la 38 snem ka rta bad ïalam ïa ka India ban rah ïa ka nam lahduh ha ka Champions Trophy, u la pynskhem ba un ïai bteng ban ïalehkai ïa ka ODI.
“Ngan dang ïai bteng ban mihkhmat ïa ka ri India ha ka ODI.
Lah ban pynkynmaw, u Rohit u la shongthait noh na ka T20Is hadien ba u la lah ban pynurlong ïa ka India ban rah nam lahduh ha u 2024, kaba pynkut noh ïa ki 13 tylli ki snem kiba kam shym la lah ban pynurlong.
