Shillong, Jymmang 07
Ka Mylliem Lum Sports Association (MLSA) ka la pynthymmai ïa ki nongkitkam na ka bynta ka samoi treikam kaba lai snem (2025-2028) ha ka 5 tarik mynta u bnai ha Maweitnai Community Hall ha ryngkat ka jingïadonlang ki Rangbah Shnong ka thaiñ na baroh 14 shnong bad ki ‘riew rangbah.
Ha katei ka sngi la thung President ïa u Bah Koles L. Marbaniang, Vice President Bah Overson Nongkhlaw, Secretary Bah Skobording Kharkongor, Assistant Secretary Bah Faldinus Kharmawphlang, Sports Secretary Bah Banteiborlang Kharkongor, Asst. Sports Secretary Bah Sanbor Sohtun & Bah Lambar S. Nongdhar. Kumjuh ka thung Organising Secretary ïa u Bah Nebatswel, Asst Organising Secretary Bah Dapbormaian Kharkongor, Volunteer Secretary Bah Lesterwell Khyriem, Asst.Volunteer Bah Mangshwa Marbaniang, Publicity Secretary Bah Fasten Marbaniang, Asst Publicity Secretary Bah Karbin Kharmawphlang, Finance ïa u Bah Transing Kharkongor bad Treasurer ïa u Bah Klosing Lyngdoh.
Ka MLSA ka la pynkut noh ïa ka jingdonbynta u Bah Hamletson Dohling kum Adviser bad la pynkhamti ha ki Rangbah Shnong na baroh 13 tylli ki shnong ba kin long kum ki Adviser bad khamtam ïa u Bah Klur Sing Nongkhlaw, Rangbah Shnong Umlympung Khadarmer, Bah Kebarsing Kharkongor, Rangbah Shnong ka Pomkaniew, Bah Klosing Lyngdoh, Rangbah Shnong ka Mawwan bad Bah Augustine Marbaniang, Rangbah Shnong ka Rangbihbih bad kiwei kiwei. Shuh shuh kane ka synjuk ka la jied ruh ïa ki katto katne ngut ki ‘riew pawkhmat ka thaiñ kynthup ki ‘riew rangbah bad longkmie ban long kum ki dkhot. Ïa kane ka kyrwoh la pyllait da u Bah Skobording Kharkongor, Secretary ka MLSA.
