New Delhi, Jymmang:
U Rishi Sunak, Myntri Rangbahduh barim jong ka UK, ha ka Sngi Balang u la ai jingkyrshan ia ka India halor ka ‘Operation Sindoor’ – ka jingleit hiar thma jong ka India ia ki khyndai tylli ki ktem lehnoh sha shiliang khappud ban siew kylliang halor ka jingshah thombor ha ki lehnoh Pakistan hapoh Pahalgam bad kumta u Sunak u la ong ba ka India ka don hok ban leit hiar thma ia ki ktem jong ki lehnoh namar kitei ki ktem lehnoh ki long ka jingma kaba khraw ia ka ri India.
Kam don kano-kano ka jaitbynriew kaba dei ban hap ban pdiang ïa ki jingshah thombor jong ki lehnoh pyrshah ïa ka na ki jaka ba la synshar da kawei pat ka ri. Kumta ruh u la ong ba ki lehnoh ki dei hok ban shah pynshitom bad ban ioh ka bainong namar ka jingleh dusmon jong ki ia ki mynsiem briew.
