Shillong, Jymmang 08
Ka lympung ïalehkai Dis-trict Level Inter School Athletic Meet 2025 ba la pynïaid da ka shlem treikam u District Sports Officer (DSO) ka East Khasi Hills ka la poi sha kaba kut ha ka Sngi Palei ha SAI Training Centre, Shillong.
Ha kane ka sngi la ïadon lang u Additional Deputy Commissioner ka East Khasi Hills Bah Ronnieson Wahlang (MCS) ha ryngkat u DSO Bah O. Mawthoh, kumjuh ki nongïarap, ki nonghikai bad ki khynnah jong 46 tylli ki skul na kane ka district.
Wat lada ha kiwei ki district ki la don tang kawei ka kynhun ka ban rah ïa ka nam lahduh ne Over Champion, hynrei ha East Khasi Hills la phiah sha la ki jong ki kyrdan kiba ïoh ïa ka nam lahduh. Te kumta ha ka Under-14 jong ki kynthei la rah nam lahduh da ka St. Mary’s Higher Secondary School, Shillong (3 tylli ki takma ksiar & 4 tylli ki rupa) bad ka H. Elias Memorial Higher Secondary School ha ka liang ki shynrang kaba la khur 2 tylli ki takma ksiar & kawei ka takma rupa.
Ha ka Under-16 la rah nam lahduh da ka St. Anthony’s Higher Secon-dary School, Shillong ha ka liang ki shynrang kaba la ïoh khur 3 tylli ki takma ksiar, 2 tylli ki takma rupa bad kawei ka takma rnong, katba ka Garo Union Secondary School ha ka liang ki kynthei kaba la khur 4 tylli ki takma ksiar bad kawei ka takma rupa bad rnong.
Haba phai sha ka Under-18 la rah nam lahduh da ka St. Mary’s Higher Secondary School, Shillong kaba la khur 5 tylli ki takma ksiar, 2 tylli ki takma rupa lem bad 3 tylli ki takma rnong, katba ka St. Anthony’s Higher Secondary School, Shillong ha ka liang ki shynrang ka la khur 4 tylli ki takma ksiar, 2 tylli ki takma rupa bad 3 tylli ki takma rnong.
Ïa ka nam Best Athlete ha ka Under-14 la ïoh da ka Deinakira Lyngdoh na ka St. Mary’s Higher Secondary School, Shil-long bad u Wompoipyr-khat Lamare na ka H. Elias Memorial Higher Secondary School. Ha ka Under-16 la ïoh da ka Rukini Dkhar na ka O.M. Roy Memorial Higher Secondary School bad u Saidul Ali na ka St. Xavier’s School Polo, Shillong. Ha ka Under-18 la ïoh da ka Pringchi R. Marak na ka St. Xavier’s School Polo, Shillong bad u Henryyoga A. Sangma na ka Garo Union Secon-dary School.
Te kumta na ka liang katei ka shlem treikam ka la jied ïa ki nongïalehkai kiba kynsai ban mihkhmat ïa kane ka district sha ka State Level Inter School Athletic Meet 2025 ka ban sa long shen ha kane ka nongbah.
Kum ban shu pynkynmaw, ki la don haduh 822 ngut ki khynnah kynthei bad shynrang na 46 tylli ki skul jong kane ka district kiba la shim bynta ha ka Under-14, Under-16 bad Under-18. Ki skul kiba la lah ba sei bun ngut ki khynnah ïalehkai ki long ka St. Anthony’s HSS kaba la pynmih haduh 44 ngut ki nongshim bynta, nangta ka H. Elias Memorial HSS kaba la sei 38 ngut ki khynnah bad ka Green Hill HSS na Soh-ryngkham ka la sei 37 ngut ki khynnah. Hynrei ka Christian Academy Higher Secondary School bad ka Synod Higher Secondary School ki la sei tang mar iwei nongshim bynta ha kane ka lympung.
Ki jingïalehkai kiba la pynlong ha kane ka lympung kaba neh haduh lai sngi lynter ki kynthup ïa ki jingïakop mareh bapher bapher, nangta ka High Jump, Long jump, Javelin Throw, Shot Put, Back Throw, Discuss Throw bad kiwei kiwei.
