Shillong, Jymmang 09
Ka Kendriya Vidyalaya Happy Valley, Shillong ka la pynlong ïa ka 54th Regional Sports Meet (KVS Silchar Region) 2025 kaba la sdang naduh ka 4 tarik mynta u bnai ha kaba ka la long kaba iphuh-iphieng ha PM SHRI Kendriya Valley.
Ha kane ka lympung kaba la poi sha kaba kut ha ka 6 tarik mynta u bnai, la sakhi ïa ka jingïashim bynta jong 160 ngut ki khynnah skul na 22 tylli ki Kendriya Vidyalaya kiba hap hapoh ka thaiñ Silchar ha ki jingïalehkai bapher bapher kum ka Rope Skipping, Boxing, Taekwondo, Skating, Shooting, Shooting bad ka Chess.
Ha kane ka sngi pynhap pyrda la ïadon lang u Brig Joe Sabby, Commandant, 58 GTC & Chairman VMC, PM SHRI KV Happy Valley kum kongsan, ki nongpeit pyrman kum u Navina Kumar Srivastava, Principal ka PM SHRI KV EAC Upper Shillong, u Nitu Singh-TGT PHE, KV Masimpur & Paritosh Das-TGT PHE, u PM SHRI KV Panisagar, katba ka Deepti Dixit kum ka symbud kongsan bad u Dhirendra Bahadur Singh. Ha kane ka sngi sa sam ïa ki khusnam sha baroh ki nongjop.
