Shillong, Jymmang 09
Halor ka nongrim jong ki jingpyrshang ba la pynlong na ka bynta ki ‘thei ïalehkai U-15 ha ka Zone 1 (Shillong) bad Zone 2 (Tura), ki nongjied jong ka Meghalaya Cricket Association (MCA) ki la jied ïa ki 20 ngut nongïalehkai ban leit sha ka jingpynkhreh (camp-cum-final selection)na bynta ban ïoh mihkhmat ïa ka Jylla ha ka U-15 Girls North East Rising Cup 2025, ka ban long ha Guwahati.
Ïa kane ka prokram (camp bad selection trials) yn pynlong naduh 9 haduh ka 13 tarik mynta u bnai ha Nongkhrah, Ri-Bhoi. Ki nongïalehkai ba la shah jied bad ki nongïarap kin hap ban leit ai jingtip ha madan Polo hangne ha ka 8 tarik mynta u bnai ha ka por 1 baje nohphai sngi shwa ba kin leit sha Nongkhrah. La ai jingmut ïa ki nongïalehkai ba kin aiti ruh ïa ki kot ki sla jong ki ban pynshisha ha lane shwa ka 9 tarik mynta u bnai. Kine ki kot ki sla ki syrnot sngi kha jong ki, Aadhaar card bad ki mark sheet ba la ïoh na ki skul jong ki.
Ka thup jong ki ‘thei ïalehkai ka Jylla ki long ka Phibanylla Tongwah (SWKHDCA), Naridashisha Marngar (SWKHDCA), Lawanjingkyrmen Lyngkhoi (SWKHDCA), Badphishirta L Nonglait (SWKHDCA), Dajanai L Nonglait (SWKHDCA), Laviola Mary L Mawlong (SCA), Avianna Myrthong (SCA), Prisceca Nongpiur (SCA), Alvarine S Shullai (WJHDCA), Anuradha Gurung (RBDCA), Idatyngkai Marngar (WKHDCA), Saramanbha Khongsti (EKHCA), Iarikmen Kharbteng (EKHDCA), Namesha A Marak (SGHDCA), Onasa M Sangma (SGHDCA), Sonakchi R Marak (SGHDCA), Charkisha M Momin (NGHDCA), Anisha Arengh (NGHDCA), Bianchimik R Sangma (EGHDCA) & Nokgam N Marak (EGHDCA). Katba ki nongïarap ki long u Shankar Newar (head coach), Surooj Rabah (assistant coach), Sweetie Marboh (trainer), Jakrimbal D Arengh (physio) & Phibakordor Diengdoh (manager).
