Mawkyrwat, Jymmang 09
Ka shlem treikam u District Sports Officer (DSO), South West Khasi Hills District (SWKHD), Mawkyrwat kan sdang noh ïa ka South West Khasi Hills District Level Inter-School Subroto Mukherjee Cup Football Tournament 2025 na ka bynta ki khynnah hapoh 15 snem (shynrang) bad hapoh 17 snem (shynrang bad kynthei) naduh ka 27 tarik mynta u bnai.
Kumta na ka liang katei ka shlem treikam ka bthah ïa baroh ki skul kiba don hapoh ka South West Khasi Hills District kiba kwah ban ïashim bynta ha kane ka lympung ïalehkai ba kin sngewbha ban wan shim ïa ki form (Registration form) na ka shlem treikam jong u DSO, Mawkyrwat ha ki sngi long trei.
Ka tarik ba khatduh ban pynpoi ïa ki form kan long hapoh ka 15 tarik mynta u bnai. Te kumta ka jingkhmih bniah ïa ki rta jong ki khynnah kan long ha ka 21 tarik u Jymmang. Ka sngi kha na ka bynta kito ki nongïashim bynta kiba hapoh 15 snem (shynrang) kan dei kiba la kha naduh ka 1 tarik u Kyllalyngkot 2011 shaneng, katba kiba hapoh 17 snem kin dei kiba la kha naduh ka 1 tarik Kyllalyngkot 2009 shaneng. Ïa ki jingtip ba kham bniah ki lah ban phone ha kine number 8729852727 & 9366071684.
