Washington, Jymmang:
U President ka United States, Donald Trump, ha ka Sngi Palei u la kyntu ia ka Russia bad Ukraine ban sangeh thma shuwa shipor ia mynta kumba 30 sngi eiei, lym kumta kin shah pynngat ha ki kyndon aiñ jong ka pyrthei kiba iadei katkum ka jingleh pynkheiñ aiñ jong ki hi. Nalor kata, ka US bad kiwei pat ki paralok jong ka kin pynkut noh shi syndon ia baroh ki jingiatreilang bad kitei ki ri bad kin pynngat ruh da ki kyndon.
Ia mynta hi ym pat lah ban sngewthuh ia ka jingtyrwa sangeh iasiat shipor jong utei u President ka US, namar haba peit ia ka jinglong-jingman ha ka pyrthei, ka la wan mih sa kawei pat ka jingeh hadien ba ka Pakistan bad ka India ki la ther bom bad hiar thma markylliang hadien ka jingleit thombor jong ki lehnoh Pakistan sha India ha ki artaiew ba la leit.
