Shillong, Jymmang 11
U Pope Leo XIV u la kyrpad na bynta ka jingsuk ha Gaza bad Ukraine, bad hapdeng ka India bad ka Pakistan.
“Nga kit ha ka dohnud jong nga ïa ki jingjynjar jong ki briew baieid eh ka Ukraine. To ai ba yn leh ïa baroh kaba donkam ban ïoh noh kloi ïa ka jingsuk kaba shisha, kaba hok bad kaba neh. To ai ba baroh ki koidi kin lait noh bad to ai ba ki khun kin leit phai biang sha la ki bahaïing hasem jong ki,” ong ka ‘Vatican News’ ha ka rynsan lad pathai ‘X’.
“Nga sngewsih jur halor kaei kaba jia ha Gaza Strip. Pynsangeh noh mardor ïa ka jingïasiat! Pynbiang ïa ki lad jingïarap sha ki ‘riew paidbah kiba la thait la swai bad pyllait noh ïa baroh ki nongshah rahbor,” ka la ong.
Shuh shuh ka la bynrap, “Ha kawei pat ka liang, nga sngewkmen ïa ka jingpynbna haba ïadei bad ka jingsangeh ïasiat hapdeng ka India bad ka Pakistan, bad nga kyrmen ba lyngba ki jingïakren ki ban sa wan, shen yn sa poi sha ka jingïateh kaba neh.”
